អង្ករ គឺជាផលិតផលកសិកម្មដ៏សំខាន់បំផុតរបស់កម្ពុជា នឹងមានប្រជាជនប្រមាណជា ២.៩លាន នាក់ កំពុងធ្វើការ ក្នុងវិស័យនេះ។ ស្រូវជាផលិតផលម្អូបអាហារដ៏សំខាន់និងត្រូវបានដាំដុះភាគច្រើន ដោយប្រជាកសិករខ្នាតតូច។ វាគឺជាកត្តាដ៏ចាំបាច់សម្រាប់ការអភិវឌ្ឍ ធនធានមនុស្សក្នុង ន័យសុវត្ថិភាពស្បៀងអាហារ និងការកាត់បន្ថយភាពក្រីក្រ ជាពិសេសគឺសម្រាប់ការចិញ្ចឹមជីវិតរបស់ប្រជាកសិករ។ តាមការប៉ាន់ស្មានក្នុងការនាំអង្ករចេញ ដោយរួមបញ្ចូលទាំងការនាំចេញក្រៅផ្លូវការផង បានបង្ហាញថា អង្ករគឺជាផលិតផលកសិកម្មដ៏សំខាន់បំផុតសម្រាប់ការនាំចេញរបស់កម្ពុជា។ បើទោះបីជាការនាំចេញភាគច្រើនជាស្រូវក៏ដោយប៉ុន្តែ ការកិន និងកែច្នៃអង្ករត្រូវបាន រំពឹងថានឹងមានការកើនឡើង ដែលជាសក្តានុពលដ៏សំខាន់ មួយក្នុងការនាំចេញនាពេលអនាគតខាងមុខ។
ផលិតកម្មស្រូវ/អង្ករមានការកើនឡើង បីដងក្នុងអំឡុងពេល ៥០ ឆ្នាំចុងក្រោយនេះ, ប្រមាណពី ២០០ លានតោន ក្នុងឆ្នាំ ១៩៦១ រហូតដល់ ៦៨០ លានតោនក្នុងឆ្នាំ ២០០៩ ហើយគេព្យាករណ៍ថានឹងកើនឡើងដល់ ៧១០ លានតោន ក្នុងឆ្នាំ២០១០។ ផលិតកម្មស្រូវបានធ្លាក់ចុះប្រមាណប្រហែល ១% ក្នុងចន្លោះឆ្នាំ ២០០៨ និង ២០០៩ ដោយសារតែភាពមិនទៀងទាត់នៃទឹកភ្លៀងមូសុង និងការលេចចេញសាជាថ្មីនូវបាតុភូតអែលនីណូ(El Nino) ក្នុងទ្វីបអាស៊ី ប៉ុន្តែគេរំពឹងថាវានឹងកើនឡើងប្រហែល៤%ក្នុងឆ្នាំ២០១០ ដោយសារតែមានការកែប្រែលក្ខខណ្ឌក្នុង បណ្តាប្រទេសអាស៊ាន។ គេរំពឹងថាប្រទេសឥណ្ឌា ជាប្រទេសដែលផលិតស្រូវបាន ច្រើនជាងគេក្នុងតំបន់អាស៊ី និងមានប្រទេសជាបន្តបន្ទាប់ទៀតដូចជា ហ្វីលីពីន ស្រីលង្ការ និងប្រទេសថៃ ( FAO៖ ភ្នាក់ងារត្រួតពិនិត្យទីផ្សារអង្ករ ខែមេសាឆ្នាំ ២០១០)។
ប្រទេសសំខាន់ៗ ដែលផលិតស្រូវបានច្រើនជាងគេក្នុងពិភពលោក គឺភាគច្រើនស្ថិត ក្នុងទ្វីបអាស៊ី។ កន្លងមក ចិន គឺជាប្រទេសដែលផលិត និងក៏ជាអ្នកប្រើប្រាស់ច្រើនជាងគេក្នុងពិភពលោក (ប្រមាណជា ២០០ លានតោន ក្នុងឆ្នាំ ២០០៨) និងបន្តដោយប្រទេសឥណ្ឌា (១៥០ លានតោន)។ ប្រទេសសំខាន់ៗ ផ្សេងទៀតដែលផលិតស្រូវបានច្រើនផងដែរនោះគឺ ឥណ្ឌូនេស៊ី បង់ក្លាដាស វៀតណាម មីយ៉ាន់ម៉ា និងប្រទេសថៃ។
ជាមួយនឹងបរិមាណសរុបនៃផលិតកម្មស្រូវ ក្នុងពិភពលោកនាឆ្នាំ ២០០៨ ដែលមានចំនួន ៧.២ លានតោន កម្ពុជា ជាប្រទេសឈរក្នុងលេខរៀងទី១៤ ក្នុងចំណោមប្រទេសផលិតស្រូវច្រើនជាងគេក្នុងពិភពលោក។ កម្ពុជា ជាប្រទេសដែលមានកំណើនផលិតកម្មផលស្រូវយ៉ាងឆាប់រហ័សក្នុងចំណោមប្រទេសដែលផលិតស្រូវធំៗក្នុងពិភពលោកនិងមានចំណាត់ថ្នាក់ទី១៤។ ប៉ុន្តែទោះជាយ៉ាងនេះក្តី សម្រាប់ព៌ត័មាននៃផលិតកម្មស្រូវ/អង្កររបស់កម្ពុជាគឺមានការលំបាកណាស់ក្នុងការទទួលបាននូវតួលេខទាំងនោះ ហើយពេលខ្លះគឺបានមកដោយការប៉ាន់ប្រមាណដុលតែម្តង។